ဒီနှစ်မှာ အတာစားတဲ့သားသမီးများရှောင်ရန် ဆောင်ရန်များနှင့် နှစ်သစ်မှာ စီးပွားရေးလာဘ်လာဘကောင်းစေရန်ခုနှစ်ရက်သားသမီးများ နေ့နံအလိုက် ခေါင်းဆေးမင်္ဂလာပြုလုပ်နည်း

ဒီနှစ်မှာ အတာစားတဲ့သားသမီးများရှောင်ရန် ဆောင်ရန်များနှင့် နှစ်သစ်မှာ စီးပွားရေးလာဘ်လာဘကောင်းစေရန်ခုနှစ်ရက်သားသမီးများ နေ့နံအလိုက် ခေါင်းဆေးမင်္ဂလာပြုလုပ်နည်း

မြန်မာသက္ကရာဇ် ၁၃၈၄ ခုနစ် သင်ခင်ခရစ်တော်ကို အကြောင်းပြုပြီး ရေးထိုးသော် 2022 ခုနစ် ဘယ်နေ့သားသမီးတွေ ကံကောင်းမလဲကံဆိုးမလဲ ဘာတွေဖြစ်လာမလဲ? သင်္ကြန်ဆိုတာဘာလဲ အတာ ဘယ်နေ့သားသမီးတွေ အတာစားလဲအတာပန်းအိုးဘယ်လိုထိုးရမလဲ?သိကြားမင်းဘယ်လို ကြိုမလဲ?

ဘာယတြာတွေချေရမလဲဘယ်လိုအဓိဌာန်ဂါထာတွေရွတ်ဖတ်ရမလဲ?ရှောင်ရန် ဆောင်ရန်တို့ကို ဂမ္ဘီရ စာရေးဆရာ မာန်သစ်ခိုင်ရဲ့ ဟောကြားချက်များကို ဖော်ပြပေးလိုက်ပါတယ်။ဒီနှစ်ထဲ(၁၃၈၄) မှာတနင်္ဂနွေ ကြာသပတေး၊သောကြာ၊စနေ သတိထားပါ။ ငွေကြေး အကုန်များနေမယ်။

ကျန်းမာရေးလည်း ကောင်းလိုက်မကောင်းလိုက်။ ကြီးကြီးမားမားမဟုတ်ပဲ ဟိုလိုလို ဒီလိုလို ဖြစ်နေတတ်ပါတယ် ငွေဝင်သော်ကျန်းမာရေး ညံ့နေတတ်ပါတယ်။အလုပ်ထဲမှာလည်း စိတ်ညစ် စိတ်ရှုပ်စရာများ ပေါ်လာတတ်ပါတယ်။နှစ်ဆန်းတစ်ရက်နေ့မှာခေါင်ဆေးပါ။ ငါး စာကလေး သတ္တဝါ လေးတွေ ဘေးမဲ့လွှတ်ပါ။

အတာစားတယ်ဆိုတာ−

မြန်မာသက္ကရာဇ် ၁၃၈၃ ခုနှစ်၊နှောင်းတခူးလပြည့်ကျော်(၁)ရက်ခရစ်နှစ် 2022 ၊ဧပြီလ (16) ရက်၊(စနေ့ )ညနေစက် ၄ နာရီ ၄ မိနစ် ၁၃ စက္ကန့် မဟာသင်္ကြန်တက်သည်။မြန်မာသက္ကရာဇ် ၁၃၈၄ ခုနစ်ဦးတန်ခူးလပြည့်ကျော်(၂) ရက် ခရစ်နစ် 2022 ဧပြီလ(17) ရက် တနင်္ဂနွေနေ့ နှစ်ဆန်းတစ်ရက်နေ့ဖြစ်သည်။

အတာဟူသည် နောက်ဆုံးကာလ၊အကျပိုင်းကာလကိုဆိုလိုပါသည်။သင်္ကြန်အတက်ရက်နှင့်မွေးနေ့ တိုက်ဆိုင်သူများသည်အတာသင့်သူများဖြစ်ပါသည်။၄င်းကို “အတာစား” သည်ဟုပြောဆိုကြသည်။ဒီနှစ် အတက်နေ့က စနေ နေ့ဖြစ်လို့စနေ သားသမီးတွေကအတာစားပါတယ်။

အတာစားတဲ့သူများဟာအတာရက်မှာကောင်းမှုကုသိုလ်များလုပ်သင့်ပါသည်။မလုပ်မိလျှင်တစ်နှစ်လုံး အလုပ်အကိုင်စီးပွားရေးကံညံ့တတ်ပြီးကုသိုလ်ယတြာလုပ်ရင်တစ်နှစ်လုံးသူများထက်ပိုပြီးကောင်းကျိုးရတတ်ပါတယ်လို့စာဆိုရှိပါသည်။(ဗေဒင် သင်္ကြန်အယူအဆတစ်ခုဖြစ်ပါသည်)

အတာစားသူများရှောင်ရန်

အတက်နေ့နှင့် နစ်ဆန်းတစ်ရက်နေ့တို့တွင်(၁)ခြေလေးချောင်းသားစားခြင်း၊(၂) မေထုတ် အမှုပြုခြင်း/ လိင်ဆက်ဆံခြင်း။(၃)သူတစ်ပါးအသက်သတ်ဖြတ်ခြင်း။(၄)အရက်၊ မူးယစ်ဆေးဝါး သုံးစွဲခြင်း။(၅) စိတ်ဆိုးခြင်း၊ ခိုက်ရန်ဖြစ်ခြင်းတို့ကိုမပြုလုပ်ပဲရှောင်ကြဉ်သင့်သည်ဟုလည်းရှေ့ဟောင်းမှုများတွင်ဆိုထားပါသည်။

စနေသားသမီးများ လုပ်ရမည့် ယတြာအစီအရင်−

၁။ 16-4-2022 စနေနေ့ တွင် ခြေသည်းလက်သည်ညှပ်ပြီး ခေါင်းဆေးမင်္ဂလာကိုပြုလုပ်ရပါမည်။

၂။ နှစ်ဆန်း တစ်ရက်နေ့တွင်မိဘဆွေမျိုးများကို ဆေးဝါဓါတ်စာလှူဒါန်းပေးသင့်ပါသည်။မိဘနှစ်ပါးရှိလျှင် မိဘနှစ်ပါးကိုလှူပေးပါ။မရှိလျှင်ဘုန်းကြီးတစ်ပါးကိုလှူဒါန်းပေးပါ။သက်ကြီးရွယ်အိုများကို လှူဒါန်းလည်းရပါသည်။

၃။ဘုရားကျောင်းသန့်ရှင်းရေးလုပ်ပေးရပါမည်။မိမိအိမ်တွင်လုပ်လို့အဆင်မပြေသူများ နီးစပ်ရာဘုရားတစ်ဆူဆူ သို့သွားပြီး တံပျက်စီးလှည်းခြင်းရေသပ္ပါယ်ခြင်းတို့ကိုပြုလုပ်ပေးရပါမည်။

၄။ အတာစားသော အချိန်ကာလဖြစ်သော်16-4-2022 နေ့ တွင်ကောင်းမွန်သန့်ရှင်းစွာဝတ်စားဆင်ယင်လျှက်အရှေ့မြောက်အရပ်သို့ မျက်နှာမူကာဘုရား၊ တရား၊ သံဃာ၊ ဆရာသမား၊ မိဘ၊ဘိုးဘွား သိကြား၊ ဗြဟ္မာ၊စတုလောကပါလသမ္မာဒေဝ၊သာသနာတော်စောင့် နတ်ကောင်းနတ်မြတ်တို့အားရှိခိုးတိုင်ကြားပူဇော်ပြီးဆုမွန်ကောင်းတောင်းပါ။

ပြီးလျှင်ဘုရားရှင်ကိုယ်တော်မြတ်ကြီးအားရေတော် ၅ ခွက်၊အလင်းတိုင် ၅ တိုင်၊အမွေးတိုင် ၈ တိုင် ပူဇော်ပြီး၂၄ ပစ္စည်းကို ၂၄ ခေါက်ရွတ်ပေးပါ။တတ်နိုင်လျှင်ပဌာန်းအကျယ် တစ်ခေါက်ရွတ်ပေးပါ။၂၄ ပစ္စည်း ပဌာန်း မရွတ်ခင် မေတ္တာသုတ်ကို ၃ ခေါက်ရွတ်ဆိုပေးပါ။

၅။ ပြီးလျှင် အားလုံး မေတ္တာပို့ အမျှအတမ်းပေးဝေပါ။ကျွန်ုပ်ပို့သသောအမျှရကြပြီး မေတ္တာရကြပြီး အားလုံးကိုယ်စိတ်နှစ်ဖျားကျန်းမာချမ်းသာ ကြပါစေလို့၉ ခွန်းပြောဆိုပါလေ။နှစ်ဆန်းတစ်ရက်နေ့မှာ ခေါင်ဆေးပါ။

တနင်္ဂနွေသားသမီးများ

ဇော်စိမ်း ၃ ခက် ဘယ်ခြေနဲ့နင်း ရွက်လှ ၄ ညွန့် ညာခြေနဲ့နင်းထားပါ။ဖလားတလုံးထဲတရော်ကင်ပွန်းမေမြို့ပန်း ၅ ပွင့် သပြေ ၆ ခက်ကံကော်၂ ခက်နွားနို့ အနည်းငယ်ထည့်ပြီးမြောက်အရပ်ကို မျက်နှာမူ၍ ခေါင်းဆေးပါ။ခြေနဲ့ နင်းထားသော အရွက်အခက်များတောင်အရပ်သို့ စွန့်ပစ်ပါ။ဦးခေါင်းဆေးထားသော ပန်များတရော်များမြောက်အရပ်မျက်နှာမူ၍ မြစ်ချောင်းထဲရေမျှောပါ။

တနင်္လာသားသမီးများ

ရွက်လှ ၄ ခက်ဘယ်ခြေနဲ့နင်းပျဉ်းမ ၅ ခက်ညာခြေနဲ့နင်းထားပါ။ဖလားတစ်လုံးထဲတရော်ကင်ပွန်း နှင်းဆီး ၇ ပွင့်ဇော်စိမ်း ၃ ညွန့် သပြေ ၆ ညွန့် နွားနို့ အနည်းငယ်ထည့်ပြီးအရှေ့မြောက်အရပ် မျက်နှာမူ၍ ခေါင်ဆေးပါ။

ခြေနဲ့နင်းထားသောအရွက်အခက်များအနောက်တောင်အရပ်သို့ စွန့်ပစ်ပါ။ခေါင်းဆေးထားသော ပန်းများ တရော်ကင်ပွန်း အရှေ့မြေါက်အရပ် မျက်နှာမူ၍ မြစ်ချောင်းထဲ ရေမျှော်ပါ။

အင်္ဂါသားသမီးများ

ပျဉ်းမသို့မဟုတ်မေမြို့ ၅ ခက် ဘယ်ခြေနဲ့နင်း သီဟို သို့မဟုတ် သပြေ ၆ ခက် ညာခြေနဲ့နင်းထားပါ။ဖလားတစ်လုံးထဲတရော်ကင်ပွန်း အုန်း ၁ ညွန့် ရွက်လှ၄ ညွန့် နှင်းဆီး ၇ ပွင့် နွားနို့ အနည်းငယ်ထည့်ပြီး ခေါင်းဆေးပါ။

အရှေ့အရပ်မျက်နှာမူ၍ခေါင်းဆေးပါ။ခြေနဲ့ နင်းထားသောအရွက်အခက်များ အနောက်အရပ်သို့ စွန့်ပစ်ပါ။ခေါင်းဆေးထားသော ပန်းများ တရော်ကင်ပွန်း အရှေ့အရပ် မျက်နှာမူ၍ မြစ်ချောင်းထဲ ရေမျှော်ပါ။

ဗုဒ္ဓဟူးနေ့သားသမီးများ

သပြေ ၆ ခက် ဘယ်ခြေနဲ့နင်း ဒါန်း သို့မဟုတ် နှင်းဆီ ၇ ခက် ညာခြေနဲ့နင်းထားပါ။ဖလားတစ်လုံးထဲ တရော်ကင်ပွန်း ကံကော် ၂ ညွန့် မေမြို့ ၅ ပွင့် အုန်း ၁ ညွန့် နွားနို့ အနည်းငယ်ထည့်ပြီး ခေါင်းဆေးပါ။အရှေ့တောင်အရပ်မျက်နှာမူ၍ခေါင်းဆေးပါ။

ခြေနဲ့နင်းထားသောအရွက်အခက်များ အနောက်မြောက်အရပ်သို့ စွန့်ပစ်ပါ။ခေါင်းဆေးထားသော ပန်းများ တရော်ကင်ပွန်း အရှေ့တေါင်အရပ် မျက်နှာမူ၍ မြစ်ချောင်းထဲရေမျောပါ။

ကြာသပတေးသားသမီးများ

နှင်းဆီး ၇ ခက် ဘယ်ခြေနဲ့နင်းအုန်း ၁ ခက်ညာခြေနဲ့နင်းထားပါ။ဖလားတစ်လုံးထဲတရော်ကင်ပွန်းဇော်စိမ်း ၃ ညွန့်သပြေ ၆ ညွန့် ကံကော် ၂ ညွန့် နွားနို့အနည်းငယ်ထည့်ပြီးခေါင်းဆေးပါအနောက်တောင်အရပ်မျက်နှာမူ၍ခေါင်းဆေးပါ။

ခြေနဲ့ နင်းထားသော အရွက်အခက်များ အရှေ့မြောက်အရပ်သို့ စွန့်ပစ်ပါ။ခေါင်းဆေးထားသော ပန်းများ တရော်ကင်ပွန်း အနေါက်တေါင်အရပ် မျက်နှာမူ၍ မြစ်ချောင်းထဲ ရေမျှော်ပါ။

သောကြာသားသမီးများ

အုန်း ၁ ခက် ဘယ်ခြေနဲ့နင်း ကုက္ကို သို့မဟုတ် ကံကော် ၂ ခက် ညာခြေနဲ့နင်းထားပါ။ဖလားတစ်လုံးထဲ တရော်ကင်ပွန်း ရွက်လှ၄ ညွန့် နှင်းဆီ၇ ပွင့်ဇော်စိမ်း၃ ညွန့်နွားနို့အနည်းငယ်ထည့်ပြီးခေါင်းဆေးပါ။အနောက်မြောက်အရပ်မျက်နှာမူ၍ခေါင်းဆေးပါ။

ခြေနဲ့နင်းထားသောအရွက်အခက်များအရှေ့တောင်အရပ်သို့ စွန့်ပစ်ပါ။ခေါင်းဆေးထားသောပန်းများ တရော်ကင်ပွန်းအနောက်မြောက်အရပ်မျက်နှာမူ၍ မြစ်ချောင်းထဲရေမျှောပါ။

စနေသားသမီးများ

ကံကော် ၂ ခက် ဘယ်ခြေနဲ့နင်း ဇော်စိမ်း ၃ ခက်ညာခြေနဲ့နင်းထားပါ။ဖလားတစ်လုံးထဲတရော်ကင်ပွန်း ရွက်လှ ၄ ညွန့် မေမြို့ ၅ ပွင့်အုန်း ၁ ညွန့် နွားနို့အနည်းငယ်ထည့်ပြီးခေါင်းဆေးပါ။တောင်အရပ် မျက်နှာမူ၍ခေါင်းဆေးပါ။ခြေနဲ့နင်းထားသောအရွက်အခက်များမြောက်အရပ်သို့ စွန့်ပစ်ပါ။

ခေါင်းဆေးထားသော ပန်းများ တရော်ကင်ပွန်း တေါင်အရပ် မျက်နှာမူ၍ မြစ်ချောင်းထဲ ရေမျှောပါ။တခြားရက်တွေမှာကံပွင့် လာဘ်ပွင့် အစစအရာရာအရင်ထက်အဆင်ပြေကံကောင်းချင်ရင်ဒီရက်တွေမှာခေါင်းလျော်ပါ။

ဤအတိုင်းပြုလုပ်ပါက202 (၁၃၈၄) ခုနှစ်တစ်ခုလုံးလုပ်ငန်းဆောင်တာများအဆင်ပြေအောင်မြင်ပြီး စီးပွားလာဘ်လာဘများတိုးတက်လာသည်ကိုကိုယ်တိုင်ကြုံတွေ့ရပါလိမ့်မည်။

ဂမ္ဘီရ စာရေးဆရာ မာန်သစ်ခိုင်

Facebook Comments Box