ကိုရီးယားကြက်ခြေထောက်နှပ်ချက်နည်း
ပါဝင်ပစ္စည်းများ
၁။ကြက်ခြေထောက်၁ကီလို
၂။ဆိုဂျူ၁ခွက်
၃။ဂျင်းတစ်တက်
၄။ရေ500ml
၅။ငရုတ်စိမ်း၃တောင့်၊
၆။ဗီယမ်နမ်ငရုတ်သီးတစ်ခြမ်း။
၇။ကြက်သွန်နီတစ်ခြမ်း၊
၈။အရသာမှုန့်၁ဇွန်း
၉။ငရုတ်သီးမှုန့်၅ဇွန်း
၁၀။သကြား၃ဇွန်း
၁၁။Oligo dang ၃ဇွန်း၊
၁၂။ကိုရီးယားပဲငံပြာရည်၅ဇွန်း၊
၁၃။ကြက်သွန်ဖြူထောင်း၁ဇွန်း၊
၁၄။နှမ်းဆီ၁ဇွန်း
ချက်ပြုတ်နည်း
ကြက်ခြေထောက်တွေကို ရေထဲမှာဖြည်းညှင်းစွာဆေးကြောပေးပါ။ပြီးရင်ရေစစ်ထားပေးပါ။
အနှစ်အတွက်ပြင်ဆင်ပါမယ်။ရေ၅၀၀ mlထဲမှာ ငရုတ်သီးစိမ်း၃တောင့်၊ဗီယက်နမ် ငရုတ်သီးတစ်ခြမ်း၊အရသာမှုန့်၁ဇွန်း၊ကြက်သွန်နီတစ်ခြမ်းထည့်ပြီးကြိတ်ပါမယ်။(အစပ်ကြိုက်ကပိုထည့်နိုင်ပါတယ်။)
ပြီးရင် ငရုတ်သီးမှုန့်၅ဇွန်း၊သကြား၃ဇွန်း၊Oligo dang 3ဇွန်း၊ပဲငံပြာရည်၅ဇွန်း၊ကြက်သွန်ဖြူနုပ်နုပ်စင်း၁ဇွန်းနှမ်းဆီ၁ဇွန်းတို့ထည့်ပါမယ်။
ကြက်ခြေထောက်တွေပြုတ်ဖို့အတွက် ရေနွေးတည်ပါမယ်။ရေပွက်ပြီဆိုတာနဲ့ကြက်ခြေထောက်တွေကိုထည့်ပေးပါမယ်။
အရိုးမှာကပ်နေတဲ့အညစ်အကြေးတွေသန့်စင်ဖို့အတွက်ပထမတစ်ဆင့်ပြုတ်ပေးရပါမယ်။ပြီးရင်ရေနွေးပွက်ပွက်ထဲမှာဆိုဂျူတစ်ခွက်၊ဂျင်းတစ်တက်တို့ကိုထည့်ပြီးကြက်ခြေထောက်၅မိနစ်လောက်ပြုတ်လိုက်ပါ။
ပြီးရင်ရေအေးထဲမှာဆေးကြောပြီးရေစစ်ချပေးပါ။ကြက်ခြေထောက်စနှပ်ပါမယ်။
မီးအားပြင်းပြင်းထဲမှာ ဆီ၅ဇွန်းထည့်ပြီး ကြက်ခြေထောက်လေးတွေကိုရွှေအိုရောင်သန်းတဲ့အထိကြော်ပြီးလုပ်ထားတဲ့အနှစ်တွေလောင်းထည့်ပြီး မီးအားအသင့်တင့်ထဲမှာ မိနစ်၃၀လောက်အရည်ခမ်းတဲ့အထိတည်ပေးပါ။
အောက်မှာမကပ်အောင်၅မိနစ်တစ်ခါမွှေပေးပါ။ရေတဖြေးဖြေးခမ်းလာပြီဆီထဲမှာအနှစ်ကစိမ့်ဝင်ပြီဆိုရင် ပဲငံပြာရည်လေးနဲ့တစ်ခေါက်အရသာအပေ့ါအငံမြည်းပြီးလိုအပ်သလိုပြုပြင်ပေးလိုက်ပါနော်။
အရသာလေးအဆင်ပြေပြီဆို နှမ်းလေးဖြူးပေးလိုက်ပါနော် ။ရပါပြီအရသာရှိတဲ့ ကြက်ခြေထောက်နှပ်လေးပါ။
ဆောင်လေးအေးအေးမှာဝိုင်လေးနဲ့ပဲဆွဲမလားကိုကိုတွေအတွက်ဘီယာလေးနဲ့ပဲဆွဲမလား ကိုရီးယားဆိုဂျူလေးပဲဆွဲမလားအရမ်းဂွတ်ပါတယ်ရှင့် ။ဘာမှမသောက်တဲ့သူဆိုရင်လည်း ကိုလာလေးနဲ့ဆွဲပေ့ါနော့။
ဖိုတိုခရက်ဒစ်
