လက်သည်းခွံပေါ်က ပြောပြနေတဲ့ သင့်ကျန်းမာရေး

သင့်ရဲ့ လက်ချောင်းလေးတွေကို ကြည့်တဲ့အခါ လက်သည်းခွံ အရင်းနေရာ ကနေ ထွက်လာတဲ့ အဖြူရောင်လခြမ်းသဏ္ဍာန်လေးတွေကိုသတိပြုမိပါသလား။တကယ်တော့ဒီလခြမ်းလေးတွေကလက်သည်းရဲ့အရမ်းကိုအရေးပါတဲ့အစိတ်အပိုင်းတစ်ခုဖြစ်ပါတယ်။

ဒါက လက်သည်းမှာပါတဲ့ အစိတ်အပိုင်းတစ်ခုဆိုတာထက် ပိုပါတယ်။ အကြောင်းကတော့ ဒီလခြမ်းလေးတွေ ကတဆင့်သင့်ရဲ့ကျန်းမာရေးအခြေအနေကိုအများကြီးသိနိုင်လို့ပဲ ဖြစ်ပါတယ်။

တရုတ်ဆေးပညာမှာလက်သည်းပေါ်ကလခြမ်းလေးတွေကိုလေဖိအားတိုင်းကိရိယာလိုပဲ ကျန်းမာရေးကိုတိုင်းတဲ့ကိရိယာတစ်ခုအနေနဲ့ မှတ်ယူပါတယ်။ လခြမ်းရဲ့ အခြေအနေက သင့်ကျန်းမာရေး သင်္ကေတပါ။

ကျန်းမာရေးချွတ်ယွင်း လာတဲ့အခါမှာ လခြမ်းကပြောင်းလဲလာတာ၊ လုံးဝပျောက်သွားတာတွေ ဖြစ်တတ်ပါတယ်။ကျန်းမာ ရေးပြန်ကောင်းလာတဲ့ အချိန်မှာ လခြမ်းလေးတွေက မူလအခြေအနေအတိုင်း ပြန်ဖြစ်လာတတ်ပါတယ်။

ဆေးပညာရှင်များရဲ့ အဆိုအရ လက်ချောင်း ၈ ချောင်းကနေ လက်ချောင်းအားလုံးပေါ်မှာအထိ လခြမ်းတွေ ရှိနေမယ် ဆိုရင် ကျန်းမာရေးက အကောင်းဆုံး အခြေအနေမှာ ရှိနေတာကို ပြပါတယ်။

လခြမ်းက ပိုဖြူလေ ကျန်းမာရေး ပိုကောင်းလေပဲ ဖြစ်ပါတယ်။ လခြမ်းတွေကို ၈ ချောင်းအောက် ပိုနည်းပြီးတွေ့ရမယ် ဆိုရင် စွမ်းအင် ပိုနည်းသွားပြီး ခုခံအားစနစ်လည်း အားနည်းနေတာကို ပြတာဖြစ် ပါတယ်။လက်မ နှစ်ချောင်းပေါ်မှာပဲ လခြမ်းတွေ ရှိတယ် ဆိုရင်တော့ အလွယ်တကူ နာမကျန်းဖြစ် နိုင်တယ် ဆိုတာကို သိထားရပါမယ်။