ပုဂ္ဂလိက ဆီစက်လုပ်ငန်းရှင်တွေကို ချေးငွေထုတ်ပေးမည်ဟုကြေညာ

ပုဂ္ဂလိက ဆီစက်လုပ်ငန်းရှင်တွေကို ချေးငွေထုတ်ပေးမည်ဟုကြေညာ

ပြည်တွင်းဆီစက်တွေ အဆင့်မြှင့်တင်နိုင်ဖို့အတွက်မြန်မာနိုင်ငံသားပုဂ္ဂလိကလုပ်ငန်းရှင်တွေကို ဆီစက်ချေးငွေထုတ်ပေးမယ်လို့စက်မှုဝန်ကြီးဌာနကကြေညာပါတယ်။ပြည်တွင်းဆီစက်တွေတိုးချဲ့တပ်ဆင်ခြင်း၊ အဆင့်မြှင့်တင်ခြင်းနဲ့ခေတ်မီဆီစက်အသစ်တွေတည်ဆောက်နိုင်ဖို့အတွက်

ရင်းနှီးမြှုပ်နှံမှုလိုအပ်ချက်ဖြည့်ဆည်းပေးဖို့ထုတ်ချေးပေးတာဖြစ်ပြီး ချေးငွေအဆိုပြုလွှာပုံစံကို စက်မှုကြီးကြပ်ရေးနဲ့ စစ်ဆေးရေးဦးစီးဌာန ဝက်ဘ်ဆိုဒ်နဲ့ စိုက်ပျိုးရေး၊ မွေးမြူရေးနဲ့ဆည်မြောင်းဝန်ကြီးဌာန ဝက်ဘ်ဆိုဒ်တွေမှာရယူနိုင်တယ်လို့သိရပါတယ်။

ချေးငွေအဆိုပြုလွှာနဲ့စာရွက်စာတမ်းတွေကိုနေပြည်တော်ဆီစက်လုပ်ငန်းများ၏ချေးငွေလိုအပ်ချက်ကို လေ့လာသုံးသပ်တင်ပြရေးအဖွဲ့ရုံးကိုပေးပို့ရမှာဖြစ်ပြီးချေးငွေအဆိုပြုလွှာကိုဒီဇင်ဘာ ၂၇ ရက် နောက်ဆုံးထားပေးပို့ရမှာဖြစ်တယ်လို့ သိရပါတယ်။

လက်ရှိ ပြည်တွင်းဆီစက်တွေရဲ့စားသုံးဆီထုတ်လုပ်မှုဟာတစ်နှစ်ကိုတန်ချိန် ၆၆၀၀၀ ကျော်သာရှိပြီး နှစ်စဉ် ဆီတန်ချိန် ၁ သန်းခန့်လိုအပ်ချက်ရှိနေလို့ ပြည်တွင်းထုတ်လုပ်မှုမြင့်တက်လာစေဖို့ရည်ရွယ်ထုတ်ချေးတာဖြစ်တယ်လို့သိရပါတယ်။

၂၀၂၁ ခုနှစ်နှစ်ဆန်းပိုင်းအထိစာရင်းတွေအရတနိုင်ငံလုံးမှာဆီစက်အကြီးစား ၂၃၀ ကျော်၊ဆီစက် အလတ် ၉၂၀ ကျော်နဲ့ဆီစက်ငယ် ၃၁၀၀ ကျော်ရှိတယ်လို့သိရပါတယ်။

Facebook Comments Box