နွားနို့နဲ့ပေါင်းသော ငှက်ပျောပေါင်းလုပ်နည်း
အခုငှက်ပျောပေါင်းလေးက အုန်းနို့အစား နွားနို့ကိုသုံးပြီးပေါင်းတဲ့ ငှက်ပျောပေါင်းနည်းလေးပါ။ မလှိုင်ဖတ်လေးတွေနဲ့ အရမ်းစားကောင်းတဲ့ငှက်ပျောပေါင်းနည်းလေးမို့ ပြန်လည်မျှဝေပေးလိုက်ပါတယ်ရှင့်
ပါဝင်ပစ္စည်းများ
၁။ငှက်ပျောသီး တစ်ဖီး (ဖီးကြမ်း (သို့) ရခိုင်ငှက်ပျော)
၂။နွားနို့ 1L
၃။သကြား200g
၄။ဆား လက်ဖက်ရည်းဇွန်းသုံးပုံတစ်ပုံ
ပြုလုပ်နည်း
ပထမဆုံးငှက်ပျောသီးများကိုအခွံခွာပြီး ရေနွေးပွက်ပွက်ထဲ ကင်ပွန်းချဉ်ရွက်အနည်းငယ်နဲ့ ထည့်ပြီး၅မိနစ်ခန့်ပြုတ်ပေးပါမယ်။ငှက်ပျောသီး ၏အဖန်ဓါတ်များကုန်သွားအောင်ပါ။
ပြုတ်ပြီးသားငှက်ပျောသီးများကိုဆယ်ပြီ အအေးခံထားပါမယ်။အိုးတစ်ခုထဲနွားနို့ထည့်ပြီးတည်ပေးပါမယ်။
နွားနို့ဆူပြီဆို သကြားထည့်၊ဆားအနည်းငယ်ထည့်ပြီးနွားနို့များအရည်ကျအောင်တည်ပေးထားပါမယ် ။
နွားနို့အရည်ကျပြီဆို ငှက်ပျောသီးထည့်အထက်အောက်လှန်ပြီး အရည်နည်းနည်းကျန်တဲ့အထိမီးအနေတော်လေးနဲ့တည်ပေးပါ။
မီးပြင်းပါက နို့များအောက်ကပ်ပြီးတူးတက်လို့ပါ။ မကြာမကြာအိုးကိုလှုပ်ပေးပါမကပ်အောင်ပါ။
အရည်လေးနည်းနည်းပဲကျန်ပြီး မလှိုင်ဖတ်လေးတွေလည်းငှက်ပျောသီးမှာ ကပ်နေပြီဆိုရပါပြီ အရသာရှိတဲ့ နို့ငှက်ပျောပေါင်းပါ။
အုံးသီးကြိုက်ပါက ခြစ်ပြီးအပေါ်ကဖြူးပြီးလည်းစားနိုင်ပါတယ်။ဒီအတိုင်းလေးလည်း အရမ်းစားကောင်းတဲ့ငှက်ပျောပေါင်းလေးရနေပါပြီရှင့်။အဆုံးထိဖတ်ပေးလို့ကျေးဇူးတင်ပါတယ်ရှင့်။
ဖိုလ်တို ခရက်ဒစ်
